AO STUDENTS' UNION GUWAHATI
Asen Aortem 1920 nungi tenzüka Guwahati nung kaket shisatsü bushia aru, saka 13th January 1946 anogo shisashir asür Imnameren asüba bilemtetba (condolence) sentep ka aliba anogo nung AO UNION MEREN FUND ta aja, aji “Guwahati Ao Union” liasü. Aser küsa tenungji 1970 tashi amshia aru, March 18, 1971 küm committee ka ajanga iba dangji “AO STUDENTS’ UNION GUWAHATI” “AO KAKETSHIR TELONGJEM GUWAHATI”. ta tenüng agütsür iba union ya tenzük, aser Ao kin Kaket shisatsüren aser temetetba bushiba den, teyanglur Tsüngrem akümtsübua asen yimsü yimpong, sobaliba metsünga reta wazüka ayuba ajanga tasoli dangi konang nüngsang bener arutsü nükla nung “LINüK ASOSHI” ta nükjidong yur Telongjem nung liromedema, tejakleni aotsü asoshi Ao kaketshirtem Guwahati yimtiba nung alir ajak iba temzüng küpok longjemer.
Tanü 15th September’2012 anogo Lokti senden (Annual General meeting) ajanga iba temzüng ozüng ya agizüka ayur, aser iba temzüng/ozüng küpok tazünger züngsem ajak tashi anga anidaktsü nangzüker.